| SIA MULI KAMPUING ( RANAU ) |
| Friday, June 02, 2006 |
Shallom all...
Dikesempatan yang mimang sampit nie, sia mo ambil peluang mengucapkan selamat melalui bulan June .. Harap semuanya berhasil di bulan ini.. adeh, sebenarnya suda lama sia menanti mo balik kampung (ranau) nie. Tapi kan, netau.. bila waktunya hampir tiba, sia maciam sedih pula. Tah nepa nie.. maybe sia terfikir yang if sia suda balik ranau, laaaama lagi la baru sia dapat peluang balik kampung p jumpa family sia :-( .. adeh so sad o.. . Napa sia ada nie perasaan ? sa sepatutnya happy ba nie sebab BISUK sia dapat jumpa mumi suda. Bisuk (03 June) sia balik sana nie.
Tujuan pertama balik Ranau, mo jumpa Family.., Tujuan kedua, sist sia khawin 5 june nie.. so, sia sebagai adi dia misti ada sana kan ? hehe..(moga dia bahagia.. adeh :-D ) malas ba sia nie.. misti sia nda selesa lau banyak urang di ruma. Paling bagus daa kalau masa sia balik Ranau, cuti sia bersama diurang sija.. malas kalau berkongsi sama urang len... lama suda ba tia tejumpa diurang :-( ... langadon suda nie. Emm ama apa... adi.. aka.. yini... sia sampai di Ranau bisuk.. yeah tunggu ja aah ...
Apa² pun, biar busy maciam mana pun persediaan kawin tu, sia harap sia dapat buka radio dingar Bontugan Sinding :pray: .. oh please.. harap² ada harapan sia dingar... Seketika sia di Ranau, maybe ndada masa sia terOnline nie. mm.. maciam mana la nie aah.. susa hati tia teronline nie tau. Tapi tia pa la.. biar laa ... yang penting ada durang mumi :-D ..
" Have you ever heard the wolf cry to the blue corn moon... " dai teingat sia nie lagu Colour Of The Wind ba... sana kampung sejuk² ... ada bukit.. n buli la sia merasa tiupan angin yang nyaman nanti :-P .. yeahhhhhhhhhh !!!! .... sa akan rindu urang yang sedang membaca sekarang nie...
y a n m c c a u l l e y e l v i e n a r i c h a r d |
posted by F!oNa @ 2:38 PM   |
|
|
|
